الولاء الوظيفي في المطاعم والكافيهات مش بالكلام.. بالسيستم
كتير من مشاكل المطاعم والكافيهات مش في المبيعات، المشكلة في مفهوم خاطئ عند بعض الموظفين:
إنه بيتعامل مع المكان على إنه "سبوبة مؤقتة" مش مشروع بيكبر فيه.
علمياً، ده اسمه ضعف الالتزام التنظيمي Organizational Commitment
والدراسات بتقول الولاء له 3 أنواع:
1- ولاء عاطفي: انك بتحب المكان ونفسك يكبر
2- ولاء مستمر: انك عارف ان مصلحتك مرتبطة باستمرار المكان
3- ولاء أخلاقي: انك عندك مبدأ ان اللي ائتمنك على رزقه، لازم تصونه
لما التلاتة دول مش موجودين، بيتحول الموظف من شريك نجاح لـ عبء، ويبدأ يستغل غياب الرقابة، أو يستغل ثقة الأونر.
طيب الحل ايه كصاحب مكان أو مدير تشغيل؟
العقد النفسي قبل العقد الورقي: من أول يوم وضح اننا مش جايين ناخد مرتب وخلاص، احنا جايين نبني كيان. اللي بيدور على سبوبة مش هيكمل.
السيستم أهم من الأشخاص: الـ Job Description والـ KPIs والـ Cost Control اليومي هو اللي بيحمي المكان من الأهواء الشخصية.
الشفافية تقتل الاستغلال: لما كل جنيه داخل وخارج معروف بالأرقام، مفيش مجال لحد يستغل حد.
الخلاصة: المطعم الناجح لا يبنيه أمهر شيف، ولا أشطر مدير.. يبنيه فريق عنده ولاء وإخلاص، فاهم ان نجاح المكان هو نجاحه هو شخصياً.
تعليقات
إرسال تعليق