في المطاعم ممكن تبقى أشطر واحد في الشيفت وبرضه تكون أول واحد يمشي
زمان العامل في المطعم كان بيحاول يثبت نفسه بشغله بخبرته وبالزبون اللي يطلبه بالاسم
النهارده تلاقي واحد بيصور نفسه وهو شغال وواحد بيحكي عن أخطاء الإدارة قدام زمايله وواحد بيعمل من كل مشكلة بوست وواحد شايف إنه أهم موظف في المكان لمجرد إنه بيتكلم كتير عن تعبه
إيه اللي اتغير
بقينا في زمن اللقطة فيه ساعات بتكسب أكتر من النتيجة
الموظف اللي بيشتغل في صمت وبيحافظ على الخامات وبيقلل الهالك وبيحترم مواعيده وبيخلي الزبون يخرج مبسوط ممكن محدش يتكلم عنه
لكن الموظف اللي يدخل في خناقة أو يفضح أسرار المكان أو يحول كل خلاف مع المدير لحكاية على السوشيال ميديا ممكن ياخد اهتمام أكبر منه بكتير
وهنا المشكلة
مش كل واحد صوته عالي يبقى شاطر ومش كل واحد بيشتكي يبقى مظلوم ومش كل واحد بيظهر إنه ضحية يبقى فعلا ضحية
وفي نفس الوقت مش معنى إن الموظف ساكت إنه ضعيف ولا إن الإدارة من حقها تستغل سكوته
المطعم الناجح هو اللي بيكافئ الشغل الحقيقي مش التمثيل
والعامل المحترف هو اللي فاهم إن سمعته في السوق أهم من لقطة مؤقتة وإن مهارته والتزامه ونتائجه هي اللي بتبني مستقبله مش عدد الناس اللي صدقوا حكايته
اسأل نفسك
إنت بتبني اسمك في سوق المطاعم بخبرتك ونتائجك ولا بتبني صورتك قدام الناس بالكلام عن شغلك
خلي عندك مهارة تخلي أصحاب المطاعم يدوروا عليك مش ضجة تخلي الناس تتكلم عنك يومين وتنساك
الأستاذ محمد حجازي
استشاري إدارة المطاعم وتنمية الموارد البشرية
تعليقات
إرسال تعليق